Master-rejalar

Loyihalar hududlar kesimida taqdim etilgan. Har bir materialning holati — konsepsiya, ishlab chiqilayotgan reja yoki tasdiqlangan master-reja — sarlavha yonida ko'rsatilgan.

  • Loyiha konsepsiyasi Bu material loyiha konsepsiyasi hisoblanadi. Tasvirlar vizualizatsiya bo'lib, qurib bitkazilgan obyektni aks ettirmaydi.
  • Ishlab chiqilayotgan reja Reja ishlab chiqilish jarayonida. Yechimlar o'zgarishi mumkin.
  • Tasdiqlangan master-reja Master-reja vakolatli organlar tomonidan tasdiqlangan.

Pop tumani 3

Tasdiqlangan master-reja

NAMANGAN VILOYATI, POP TUMANI, GULISTON MFYDA CHODAK TURIZM MARKAZINI TASHKIL QILISH BO'YICHA MASTER REJA LOYIHASI

Chodak qishlog'idagi dam olish hududlarini konservatsiya qilish orqali biz atrof-muhitni asrash va barqaror rivojlanish yo'lidagi maqsadlarimizga erishishni nazarda tutamiz. Bunda, Prezidentimizning “Atrof-muhitni asrash va yashil iqtisodiyot” yilidagi qaroriga hamohang ravishda, bu loyiha ekologik toza, iqtisodiy samarali va ijtimoiy foydali o'lishini ta'minlashni maqsad qilganmiz. Konservatsiya ishlari natijasida, nafaqat tabiiy boyliklar saqlanadi, balki mahalliy iqtisodiyotning rivojlanishiga, yangi ish o'rinlarining paydo bo'lishiga ham katta hissa qo'shiladi. Shuningdek, bu loyiha, kelajak avlodlarga saqlanib qolgan toza va go'zal tabiatni taqdim etish, ularni ekologik mas'uliyatga o'rgatish, hamda “yashil” iqtisodiyot tamoyillarini hayotga tatbiq etishning yorqin namunasiga aylanadi.

  • 100 ga
  • 1
Batafsil
Tasdiqlangan master-reja

ARAShAN KO'LLAR TIZIMI ATROFIDA YIRIK TURISTIK MAJMUASINI TAShKIL ETISh LOYIHASI

Arashan ko'li yaqinida, Toshkent va Namangan viloyatlari oralig'ida joylashgan, zamonaviy va ko'p funktsiyali tog' dam olish majmuasi bo'lib, uning bosh maqsadi — mehmonlarga hayotning besh muhim element Tabiat (Nature), Sog'liq (Wellness), Sport (Active Life), Ta'm (Taste), Qadriyat (Culture & Soul) orqali har tomonlama boyituvchi va uyg'un tajriba taqdim etishdir.

  • 600 ga
  • 1
Batafsil
Tasdiqlangan master-reja

"Qamchiq Mountain Resort" xalqaro ko'p funksiyali tog' dam olish turistik zonasi

“Qamchik Mountain Resort” turistik-rekreatsion majmui loyihasi “Angren-To'raqo'rg'on” yo'l bo'yi infratuzilmasini tartibli tashkil etish master-rejasi doirasida Qamchiq dovonida barcha mavsumlarda faoliyat yurituvchi yirik “Kamchik mountain resort” turistik-rekreatsion majmuasini tashkil etish loyihasi ishlab chiqilgan. Asosiy ko'rsatkichlar. Loyihaning umumiy qiymati: 67,3 mln evro (jumladan, byudjet mablag'lari 1,3 mln evro, xususiy investitsiyalar 66 mln evro) Er maydoni: 136,91 gektar (Toshkent viloyati – 124 ga, Namangan viloyati – 12,91 ga) 3. Kutilayotgan natijalar: Kunlik 2,5 ming nafar, yillik 650 ming nafar sayyoh oqimi hamda 3 000 ta yangi ish o'rinlarini yaratish Hududiy balans va yo'nalishlar Majmua hududining 78,2% qismi (1 071 077 m²) ko'kalamzorlashtirilgan hududlardan iborat bo'lib, qurilish maydoni 7,2% ni tashkil etadi 5. Loyiha doirasida quyidagi yo'nalishlar va zonalar tashkil etiladi: Ekoturizm, ekstremal turizm va gastronomik turizm zonalari Kanat yo'llari, stantsiyalar, tomosha maydonchalari va osma dor yo'llari Mehmonxona majmualari, villalar, kempinglar, restoran va kafelar, milliy taomlar hamda etnik oshxonalar Bolalar o'yin markazlari, kattalar o'yin markazi, charxpalak, ziplayn, rodelban, kichik zoopark va piknik hududlari Sport majmualari, ot sporti markazi, sog'lomlashtirish va tibbiyot maskanlari, suv havzalari hamda savdo markazlari Moliyalashtirish va amalga oshirish bosqichlari Loyiha 2026–2027-yillarda davlat byudjeti va xususiy investorlar (jumladan, “Kamchiq Mountain Resorting MChJ” va “Dilmenler Makine Pazarlama Sanayi ve Ticaret Ltd Sti”) mablag'lari hisobidan moliyalashtiriladi

  • 136,91 ga
  • 1
Batafsil

To'raqo'rg'on tumani 1

Tasdiqlangan master-reja

TOʻRAQOʻRGʻON TUMANI SOYI BOʻYI MASTER-REJASI

Master-reja Kosonsoy soyining To’raqo’rg’on shahridan oqib o’tuvchi 2,67 kmlik chap qirg’og’ini yil bo’yi ishlaydigan turizm, dam olish va servis klasteriga aylantirishni nazarda tutadi. Hozirda obodonlashrilmagan, tartibsiz avtoturargoh sifatida ishlatilayotgan ≈ 11,9 ga hudud 11 ta funksional zonaga ajratiladi: unda 43 ta obyekt va inshoot joylashtiriladi, 28 ta lot esa elektron auksion orqali xususiy investorlarga taklif etiladi. Jamoat hududlari — yo’laklar, bog’lar, ko’priklar va muhandislik tarmoqlari davlat hisobidan quriladi.

  • 11,9 ga
  • 1
Batafsil

Kosonsoy tumani 1

Tasdiqlangan master-reja

NAMANGAN VILOYaTI KOSONSOY TUMANI “OLMAZOR” MFY HUDUDIDA LOYIHALANAYoTGAN TURISTIK MASTER-REJA

Namangan viloyati Kosonsoy tumanidagi Olmazor MFY hududida amalga oshirilayotgan master-reja va infratuzilma loyihalari bo'yicha texnik-iqtisodiy ko'rsatkichlar. 1. Umumiy ma'lumot va loyihaning maqsadi: Joylashuvi: Namangan viloyati, Kosonsoy tumani, Olmazor MFY hududi. Asosiy yo'nalish: Hududning turizm salohiyatini oshirish, zamonaviy infratuzilma va "yashil iqtisodiyot" tamoyillarini joriy etish. 2. Energetika va "Yashil iqtisodiyot" ko'rsatkichlari: Quyosh panellari: Binolarning tom qismiga o'rnatiladigan quyosh panellari hududning umumiy elektr energiyasi sarfining 30%ini qoplaydi. Elektr energiyasi va transformatorlar: Loyiha doirasida umumiy quvvati va ta'minoti uchun 7 ta yangi transformator punkti ( Proektnaya TP №1 – TP №7, GTKP-250/10/0,4 ) o'rnatilishi rejalashtirilgan. Elektromobillar uchun infratuzilma: Avtoturargohlarda zamonaviy elektromobillarni quvvatlantirish stantsiyalari tashkil etiladi. 3. Muhandislik-kommunikatsiya va hududni yoritish: Aqlli yoritish tizimi: Fotodatchikli (sensorli) ko'cha chiroqlari to'liq quyosh energiyasida ishlaydi, harakat vaqti avtomatik yonib-o'chish rejimiga ega bo'lib, energiya tejamkorligini ta'minlaydi. Ekologik infratuzilma: Chiqindi suvlarni qayta ishlash tizimlari hamda yashil hududlar va suv havzalaridan samarali foydalanish ko'zda tutilgan. 4. Transport va logistika infratuzilmasi: Transport tarmoqlari: Avtomobil yo'llari, piyodalar va sog'lomlashtirish yo'lakchalari barpo etiladi. Jamoat transporti: Aholi va sayyohlar uchun avtobus bekatlari hamda maxsus “Shuttlebus” bekatlari tizimi yo'lga qo'yiladi. 5. Me'moriy-loyiha echimlari: Master-reja doirasida jamoat va ijtimoiy soha ob'ektlari, ochiq maydonlar, landshaft dizayni, shaharsozlik dizayn kodi, hududning individual logotipi, brendingi va 3D vizualizatsiyasi to'liq ishlab chiqilgan.

  • 100 ga
  • 1
Batafsil

Chortoq tumani 2

Tasdiqlangan master-reja

NAMANGAN VILOYaTI ChORTOQ TUMANI “QORABOG'” MFY HUDUDIDA LOYIHALANAYoTGAN TURISTIK MASTER-REJA

"Welness City Chortoq" turistik ob'ektlar majmuasi master-rejasi va muhandislik jihozlash ko'rsatkichlari bo'yicha batafsil ma'lumotlar: Elektr ta'minoti. Elektr ta'minoti loyihasi PUE va ShNK 2.07.01-23 me'yorlariga hamda bosh rejaga asosan 10 kV va 0,4 kV kuchlanishda ishlab chiqilgan. Elektr ta'minoti ishonchlilik darajasi - II toifaga kiradi. Turistik majmuaning talab qilinadigan umumiy quvvati - 11470 kVt ni tashkil qiladi. Hududda 2x250 kVa hajmdagi jami 7 ta komplekt transformator punktlarini (KT_P) o'rnatish rejalashtirilgan. Suv ta'minoti va oqava suvlar Ichimlik suvi ta'minoti bo'yicha suv muhofaza hududi suv ombori qirg'oqlari bo'ylab 50 metrdan kam bo'lmagan maydonni o'z ichiga oladi. Chortoq uchun oqava suvlarni tozalash inshooti (LOS-500): band qilish joyi 30x30 metr va umumiy qiymati 9,8 mlrd. so'mni tashkil qiladi.

  • 60 ga
  • 1
Batafsil
Tasdiqlangan master-reja

“Yangi Chortoq” zamonaviy turar-joy va turizm majmuasi master-rejasi

“Yangi Chortoq” zamonaviy turar-joy va turizm majmuasi master-rejasi Namangan viloyati, Chortoq tumani, Do'stlik MFY hududidagi 60 gektar maydonni o'z ichiga olgan ushbu loyiha zamonaviy turar-joy, ijtimoiy soha ob'ektlari, sanatoriy-kurort va turizm infratuzilmasini o'zida mujassam etgan ko'p funktsiyali majmuani barpo etishga qaratilgan. Asosiy ko'rsatkichlar va hudud balansi Umumiy maydon: 60 gektar. Aholi va xonadonlar: 4 264 ta xonadon va taxminan 20 000 nafar aholi. Binolar va inshootlar: 97 ta bino va inshoot, shuningdek 55 ta turar-joy binosi (4 dan 12 qavatgacha). Hudud balansi: Qurilish osti maydoni 16,1%, yo'l va yo'laklar 39,5%, ko'kalamzorlashtirilgan hududlar esa 44,4% ni tashkil etadi. Loyihaning asosiy yo'nalishlari va infratuzilmasi Hudud uchta asosiy sektordagi 22 ta lotga bo'lingan bo'lib, ular quyidagilarni o'z ichiga oladi: Sektor-1 (Rekreatsiya va turizm): Sanatoriy binolari, mehmonxona, yopiq sport kompleksi, restoranlar, kanat yo'li stantsiyasi va 2,05 ga maydondagi istirohat bog'i. Sektor-2 (Ma'muriy-jamoat markazi): Hokimiyat binosi, konferentsiyalar zali, o'quv va yoshlar markazlari, poliklinika hamda avtoturargohlar. Sektor-3 (Turar-joy massivi): 4–12 qavatli turar-joy binolari, 2 ta maktab (har biri 550 o'rinli), 2 ta bolalar bog'chasi (har biri 280 o'rinli) va supermarketlar. Iqtisodiy va ijtimoiy ko'rsatkichlar Loyihaning umumiy investitsiya qiymati 2 140,6 mlrd so'mni (taxminan 179 mln AQSh dollari) tashkil etadi. 8 yilga mo'ljallangan (2027–2034) amalga oshirish davrida 840 ta doimiy ish o'rni yaratilishi, zamonaviy uy-joylar, ta'lim va tibbiyot muassasalari barpo etilishi ko'zda tutilgan.

  • 60 ga
  • 1
Batafsil

Chust tumani 1

Tasdiqlangan master-reja

NAMANGAN VILOYaTI ChUST TUMANI “ChUSTNON-DO'STLAROBOD” MFY HUDUDIDA LOYIHALANAYoTGAN TURISTIK MASTER-REJA

Master-rejaning asosiy loyihaviy ko'rsatkichlari Chust tumani «Chustnon–Do'stlarobod» mahalla fuqarolar yig'ini hududida ishlab chiqilgan «Rezaksoy: sohilbo'yi turizm majmuasi» master-rejasi suv ombori atrofida yagona turistik-rekreatsion hududni shakllantirishni nazarda tutadi. Master-rejada mehmonxonalar, kottejlar, sog'lomlashtirish va faol turizm ob'ektlarini yagona hududda joylashtirish, sohilbo'yi dam olish maskanlarini tashkil etish hamda savdo va servis xizmatlarini rivojlantirish bo'yicha loyihaviy echimlar belgilangan. Hududning asosiy loyihalari quyidagilardan iborat: • mehmonxonalar va villalar; • sanatoriy va SPA majmuasi; • kiberarena; • tyubing va mini-golf maydonlari; • suv bo'yida dam olish maskanlari; • sohilbo'yi kottejlari; • savdo va servis ob'ektlari. Master-rejada jami 10 ta investitsiya loti shakllantirilgan bo'lib, har bir lot bo'yicha alohida pasportlar ishlab chiqilgan.

  • 51,8 ga
  • 1
Batafsil

Yangiqo'rg'on tumani 1

Tasdiqlangan master-reja

NAMANGAN VILOYaTI YaNGIQO'RG'ON TUMANI “QAYROQI” MFY HUDUDIDA LOYIHALANAYoTGAN TURISTIK MASTER-REJA

Hududining tabiiy va turistik salohiyatidan samarali foydalanish maqsadida turizm markazining master-rejasi ishlab chiqilgan. Master-rejada tog'li hududning tabiiy xususiyatlari va mavjud landshaftini inobatga olgan holda turistik-rekreatsion ob'ektlarni joylashtirish, hududni obodonlashtirish va zarur muhandislik-kommunikatsiya tarmoqlarini shakllantirish bo'yicha loyihaviy echimlar nazarda tutilgan.

  • 90 ga
  • 1
Batafsil

Norin tumani 1

Tasdiqlangan master-reja

“Norin Riverside Complex” turistik zonasi loyihasi

“Norin Riverside Complex” turistik zonasi loyihasi haqida qisqacha ma'lumot: Joylashuvi: Namangan viloyati, Norin tumani, “Paxtakor” massivi, Norin daryosining chap sohili. Maydoni: 23,9 gektar (dastlabki 18,3 ga edi, keyinchalik kengaytirildi). Asosiy maqsad: Hududni zamonaviy turizm, rekreatsiya va sog'lomlashtirish maskaniga aylantirish, oilaviy dam olish, glemping, dacha, sport va ko'ngilochar xizmatlarni yo'lga qo'yish. Tuzilishi: Hudud 108 ta lotga (16,14 ga) bo'lingan bo'lib, ular 15 ta funktsional guruhga birlashtirilgan. Shuningdek, davlat mablag'lari hisobidan 7 ta jamoat ob'ekti (kirish zonasi, amfiteatr, bolalar maydonchasi, workout, kema-restoran, panoramali terrassa va qayiq sayri) barpo etiladi. Investitsiya va muddat: Loyihaning umumiy qiymati qariyb 262,2 mlrd so'mni tashkil etadi (shundan 223,8 mlrd so'm xususiy, 38,4 mlrd so'm davlat investitsiyasi). Loyiha 2027–2029-yillarda 3 bosqichda amalga oshiriladi. Ish o'rinlari: 560 tadan ortiq doimiy ish o'rni yaratiladi. Muhim shartlar: Hudud suv muhofaza zonasida joylashgani sababli, faqat bir qavatli, engil konstruktsiyali inshootlar quriladi, oqova suvlar esa lokal tozalash inshootlari orqali tozalanadi. Lotlar investorlarga auktsion orqali taklif etiladi.

  • 23,9 ga
  • 1
Batafsil